27.11.2024
27 noyabr 2024-cü il tarixində Qazax rayon MKS-nin E.Hüseynov adına Mərkəzi kitabxanası oxu zalında Naxçıvan Muxtar Respublikasının 100 illiyinə həsr olunmuş “Ulu Yurdum Naxçıvan” adlı videoçarx nümayiş etdirilib. Tədbirdə tələbələr, fəal oxucular və kitabxana işçiləri iştirak edib. Naxçıvan Muxtar Respublikasının 100 illik yubileyinin qeyd edilməsi haqqında Azərbaycan Respublikasının 9 fevral 2024-cü il tarixli Sərəncamının icrasına dair Tədbirlər Planına uyğun olaraq təşkil olunan videoçarxda Ümummilli Lider Heydər Əliyevin Naxçıvanın davamlı inkişafında böyük xidmətini, hakimiyyətə gəldiyi vaxtdan etibarən daim Naxçıvanı diqqətdə saxlamasını, muxtar respublikanın gələcəyi ilə bağlı ən vacib qərarların təşəbbüskarı olmasını əks etdirən videolar nümayiş etdirilmişdir. Azərbaycanın çoxəsrlik zəngin keçmişində xüsusi yeri olan Atabəylər-Eldəgizlər dövlətinin paytaxtı qədim Naxçıvanın tarixi haqqında, bünövrəsi Əcəmi Naxçıvani tərəfindən qoyulmuş memarlıq məktəbinin nümunələri-bəşər sivilizasiyasının ilkin beşiklərindən olan Gəmiqaya qayaüstü yazıları, ilk dəfə qadının şərəfinə ucaldılan Möminə xatun türbəsi Yusif Küseyiroğlu məqbərəsi, Nuh peyğəmbərin məzarüstü türbəsi Azərbaycanın hər sahədə tərəqqisinə töhvələr vermiş əsrlər boyu yetirdiyi görkəmli şəxsiyyətlər haqqında materiallar əks olunub.
Sonda “Naxçıvan-Əfsanələr Diyarı, Qədim Mədəniyyət Beşiyi ” adlı sərgiyə baxış keçirilib.