24.12.2024
24 dekabr 2024-cü il tarixində Qazax rayon Mərkəzləşdirilmiş Kitabxana Sisteminin E.Hüseynov adına Mərkəzi Kitabxanası oxu zalında “Şanlı Zəfər Səlnanəmiz-Tarixi Zəfərin Memarı: İlham Əliyev” adlı məruzə keçirib, videoçarx nümayiş etdirib. Tədbirdə tələbə, fəal oxucu və kitabxana əməkdaşlarından bir qrup iştirak edib. Xidmət şöbəsinin müdiri Bəsdi Məmmədova qeyd edib ki, hər bir ölkəni, xalqı dünyada tanıdan onun parlaq tarixi şəxsiyyətləri – mütəfəkkirləri, elm adamları, siyasi xadimləridir. Müstəqil Azərbaycanın diplomatiya sahəsində zərrə-zərrə qazandığı uğurları, təmin edilən dayanıqlı iqtisadi və siyasi nailiyyətləri, vətənpərvər peşəkar ordu quruculuğunu bugünkü səviyyəyə qaldıran, ümumxalq birliyimizi Prezident və xalq vəhdətini “Dəmir yumruq ” kimi təcəssüm etdirən, tarixi Zəfərin Memarı İlham Əliyevin qətiyyətli fəaliyyəti olmuşdur.
Kitabxananın əməkdaşı “Şanlı Zəfər Səlnanəmiz-Tarixi Zəfərin Memarı: İlham Əliyev” adlı məruzəsində İlham Əliyevin bütöv Azərbaycanın yaradılmsında əvəzsiz xidmətləri haqqında geniş məlumat verib.
Xalqımızın qüdrətinin və milli qürurumuzun təntənəsi olan “Zəfər Gününə” həsr olunmuş videoçarxda rəşadətli ordumuzun addım-addım irəliləyərək qanı, canı bahasına qazandıqları misilsiz qələbəyə gedən yolun anları nümayiş olunub. Sonda “Sən Qalibsən Azərbaycan” adlı kitab sərgisinə baxış keçirilib.