Ağstafa Regional Mədəniyyət və Turizm  İdarəsinin nəzdində fəaliyyət göstərən  Qazax Dövlət Rəsm Qalereyasında 20 yanvar faciəsinin 28-ci ildönümünə həsr  olunmuş tədbir keçirildi. Tədbirdə mədəniyyət işçiləri, uşaq kitabxanasının kollektivi, Mədəniyyət işçiləri Həmkarlar  İttifaqının sədri İsgəndər  Qurbanov, Gənclər və İdman İdarəsinin məsul  işçiləri Sahib Namazov və İsmayıl Süleymanov iştirak etdilər. İştirakçılar şəhidləri bir  dəqiqəlik sükutla yad etdilər.

Tədbiri giriş sözü ilə Qalereyanın  direktoru Münəvvər Xəlilova açdı. O, 20 yanvar faciəsinin dəhşətindən, faciənin səbəbkarlarının törətdiyi vəhşiliklərdən  danışdı. Sonra İ.Qurbanov çıxış edərək  Şəhidlər Xiyabanının and yerimiz olduğunu qeyd etdi. Şəhidlər Xiyabanı   and yerimiz, ağrılı yerimizdir. S.Namazov çıxış edərək uşaqların rəsmlərinə  münasibətini bildirdi. Faciəni yaşamasalar da yaşananlara çox düzgün münasibət  göstərdiklərini bildirdi və müəllimlərinə  təşəkkür etdi. Sonda sərgiyə  baxış  keçirildi.