Azərbaycan Respublikasının ümummilli lideri Heydər Əliyevin  95- ci ildönümü ilə əlaqədar Ağstafa Regional Mədəniyyət  idarəsinin təsdiqlədiyi tədbirlər planına əsasən 4 may 2018-ci il tarixində Qazax Rayon Heydər Əliyev Mərkəzində "Səngərdə dəmir sipər -O, Heydər Əliyevdir” adlı tədbir  keçirilmişdir.  Tədbirdə Qazax rayon N saylı hərbi hissənin əsgər və zabit heyəti iştirak etmişdir.İlk olaraq  hərbiçilərimiz ümummilli lider Heydər Əliyevin abidəsini ziyarət etmişlər, sonra muzeyə daxil olaraq dahi liderin müstəqil Azərbaycan  ordusunun yenidən təşkili, qurulması və hərbi silah-sursatla təmin olunması istiqamətində apardığı əvəzolunmaz xidmətlərindən danışılmış, Ulu öndərin apardığı siyasətdə ordu quruculuğuna böyük önəm və diqqət verməsi mövzusunda ətraflı mühazirə oxunmuşdur.Sonra ekspozisiya zalındakı Ubiq Vindov-da "Vətənin keşiyində" filmi nümayiş etdirilmiş, Azərbaycan dövlətinin qurucusu və memarı olan dahi şəxsiyyətin həyat və siyasi fəaliyyətinin geniş əks olunduğu kitab və jurnallardan ibarət ”Tarixi yaddaşlara həkk olunmuş mənalı ömür” başlıqlı sərgi əsgərlərin marağına səbəb olmuşdur..