09  may 2018-ci il  tarixdə Tovuz rayon Mədəniyyət Mərkəzi, MKS-i və Aşıq Ə.Rzayev adına Uşaq Musiqi məktəbinin kollektivi  ilə birlikdə Qəhrəmanlar parkında Sovet ittifaqı qəhrəmanlarının büstləri önünə tər qərənfillər qoyulmuşdur.Günün ikinci yarısında “N” saylı hərbi hissədə “9 May Qələbə Günü”  mövzusunda tədbir keçirildi. Tədbirdə . Böyük Vətən müharibəsi  iştirakçılarının əziz xatirəsi bir dəqiqəlik sükutla yad edildi. Sonra Mədəniyyət Mərkəzinin direktoru Asif Qasımov  çıxış edərək bildirdi ki, Böyük Vətən  Müharibəsi illərində Azərbaycan xalqı böyük rəşadət göstərmişdir. 1941-1945- ci illər dövründə Azərbaycan xalqı istər ön cəbhədə, istərsə də arxa cəbhədə misilsiz qəhrəmanlıqlar  göstərmişlər. 600 mindən artıq Azərbaycanlı ön cəbhəyə səfərbər olunmuşdu. 74 nəfər ən yüksək ada Sovet İttifaqı Qəhrəmanı adına layiq görülmüşdür. Arxa cəbhədə isə Azərbaycan xalqı cəbhəni yeməklə, isti paltarla, çörəklə, neftlə və benzinlə təmin edirdi. Rəsmi hissədən sonra tədbir konsert proqramı ilə davam etdirildi və həmçinin Tovuz rayon MKS-nin  təşkil etdiyi “9 May faşızm üzərində Qələbə Günüdür” başlıqı ilə kitab sərgisinə  baxış keçirildi. Tədbirin sonunda “N” saylı hərbi hissənin rəhbərliyi tərəfindən fəxri fərmanla təltif olundular.