28.06.2022
28 iyun 2022-ci il tarixində Tovuz rayon Mərkəzi kitabxanasında görkəmli ziyalı, jurnalist, Azərbaycan Milli Mətbuatının banisi Həsən bəy Zərdabinin anadan olmasının 180 illiyi ilə əlaqədar "Həsən bəy Zərdabi -180" mövzusunda tədbir təşkil edildi. Tədbirdə çıxış edənlər ilk öncə Həsən bəy Zərdabinin həyat və yaradıcılığı barədə iştirakçılara geniş məlumat verdilər. Sonra bildirdilər ki, XIX əsrdə çarizm Azərbaycan maarifçilərinin başqa mütərəqqi təşəbbüsləri kimi, milli mətbuat yaratmaq cəhdini də boğurdu. Azərbaycan xalqı belə bir dövrdə böyük Mirzə Fətəli Axundzadənin bir sıra ləyaqətli, mübariz xələfini yetirib ərsəyə gətirdi ki, onların sırasında birinci Azərbaycan qəzeti olan "Əkinçi"nin banisi və redaktoru Həsən bəy Zərdabinin surəti əzəmətlə ucalır. 1875-ci il 22 iyulda çar hökumətinə müraciətindən sonra məhz onun əməyi sayəsində "Əkinçi" qəzetinin nəşrinə başlanmış və bununla da Azərbaycanda Milli Mətbuatın əsası qoyulmuşdur.
Sonda iştirakçılar "Həsən bəy Zərdabi-180" başlıqlı sərgi ilə tanış oldular.