16.04.2024-cü il tarixdə 2024-cü ilin Tədbirlər planına uyğun olaraq Gədəbəy rayon Heydər Əliyev Mərkəzinin və Gədəbəy rayon Təhsil sektorunun birgə təşkilatçılığı ilə " 18 aprel- Tarixi abidələrin mühafizəsi Günü" ilə əlaqədar olaraq "Gədəbəy rayonu ərazisində yerləşən tarixi abidələrimizi tanıyaq" adlı videoslayd nümayiş olunub. Mərkəzin elmi işçisi Zamiq Söyünov şagirdlərə rayon ərazisində yerləşən tarixi abidələr və onların qorunmasının əhəmiyyətindən danışıb. Daha sonra Mərkəzin əməkdaşı Günel Məmmədova şagirdlərə Mərkəzin muzey hissəsində Ulu Öndərin zəngin,çoxşaxəli həyat və siyasi fəaliyyətini əks etdirən eksponatlar haqqında ətraflı məlumat verib.