15.04.2024-cü il tarixdə Gədəbəy rayon mədəniyyət müəssisələrinin birgə təşkilatçılığı ilə 15 aprel Beynəlxalq mədəniyyət günü ilə əlaqədar tədbir təşkil edilib. Tədbirdə ilk öncə Azərbaycan Respublikasının dövlət himni səsləndirilib.Daha sonra Ulu Öndər Heydər Əliyevin və Vətənimizin azadlığı uğrunda canından keçmiş şəhidlərimizin əziz xatirəsi 1 dəqiqəlik sükutla yad edilib. Mədəniyyət Günü ilə əlaqədar Gədəbəy rayon Heydər Əliyev Mərkəzinin direktoru Pərviz Bayramov və Gədəbəy rayon Mədəniyyət Mərkəzinin direktoru Elmira Hacıyeva çıxış edərək bildiriblər ki, 15 aprel dünyada Beynəlxalq Mədəniyyət Günü kimi qeyd olunur. Bu tarix 1935-ci il aprelin 15-də Vaşinqtonda “Bədii, elmi müəssisə və tarixi abidələrin mühafizəsi və qorunması haqqında” imzalanmış müqavilə ilə əlaqəlidir. Beynəlxalq hüquq təcrübəsində bu gün Rerix paktı kimi də tanınır və dünyanın bir çox ölkəsində qeyd olunur. Azərbaycanda da bu bayram hər il böyük təntənə ilə qeyd olunur. Tədbirin sonunda Gədəbəy rayon Mədəniyyət Mərkəzinin təşkil etdiyi konsert proqramı təqdim olunub.