5 aprel 2024-cü il tarixində Tovuz rayon Mərkəzi kitabxanasında Xalq yazıçısı Çingiz Abdullayevin anadan olmasının 65 illiyi ilə əlaqədar yazıçının əsərlərinin biblioqrafik icmalı təşkil edilib.

Tədbirdə çıxış edənlər yazıçının həyat və yaradıcılığı haqqında geniş məlumat verib və bildiriblər ki, müasir dövrün psixoloji və siyasi detektiv janrında yazan ən məhsuldar yazıçı kimi tanınmış Çingiz Abdullayevin əsərləri təkcə Azərbaycanda deyil, dünyanın 30-dan çox ölkəsində milyonlarla tirajla çap edilib. O, 200-dən çox romanın, 60-dan çox ssenarinin müəllifidir. "Qaranlıq", "Qurbanlıq sindromu", "Onun qəlbinin üçdə biri", "Böyük oyun", "Ailə sirləri","Qırılmış əlaqə", "Payız madriqalı" və digər əsərləri oxucular tərəfindən xüsusi maraqla qarşılanır.