Şəmkir rayon Mərkəzi Kitabxanasının uşaq şöbəsi Azərbaycanın Milli Qəhrəmanı Cəfərov Faiq Əliqulu oğlunun anadan olmasının 50 illiyi ilə əlaqədar olaraq Fərman Salmanov adına şəhər tam orta məktəbində 01.05.2024-cü il tarixdə "Qayıdan torpaqların, qayıtmayan övladları" başlığı altında tədbir təşkil edib. Kitabxananın əməkdaşı Səbinə Əhmədova qəhrəmanın keçdiyi şərəfli həyat yolundan bəhs edərək bildirib ki, Faiq Cəfərov 1974-cü il may ayının 1-də Cəlilabad rayonunun Şiləvəngə kəndində anadan olmuşdur. 1991-ci ildə Bakı Maşınqayırma Texnikumuna daxil olmuş, 1992-ci ilin sentyabr ayından Sərhəd Qoşunları Baş İdarəsinin Naxçıvan Sərhəd Dəstəsində hərbi xidmətə başlamışdır.1995-ci ilin mart ayında dövlət çevrilişi cəhdinin qarşısının alınması zamanı xüsusi qəhrəmanlıq nümunəsi göstərmiş, döyüşlərdə ağır yaralanmış və ehtiyata buraxılmışdır. Azərbaycan Respublikası Prezidentinin 1995-ci il 27 dekabr tarixli fərmanı ilə Cəfərov Faiq Əliqulu oğlu "Azərbaycanın Milli Qəhrəmanı" fəxri adına layiq görülmüşdür.Daha sonra "Qayıdan torpaqların, qayıtmayan övladları" adlı tərtib edilmiş kitab sərgisinə baxış keçirilib.