29 aprel 2024-cü il tarixində Ağstafa Dövlət Rəsm Qalereyasında həmyerlimiz, istedadlı rəssam, heykəltaraş Heydər Əhmədov rəsm dərnək şagirdlərinə "Usdad dərsi" keçib. Rəssam uşaqların rəssamlıq bacarıqlarını inkişaf etdirmək və sulu boya texnikasının özəlliklərini öyrənmək üçün dəyərli məsləhətlər verərək, şagirdlərlə rəssamlıq metodlarının sirlərini bölüşüb. Sonra şagirdlərin çəkdikləri rəsmlərə baxış keçirilib. Rəsm Qalereyasının direktoru Gülgün Kərimov bu cür usdad dərslərinin şagirdlərin dünyagörüşünün formalaşmasında, eyni zamanda gələcəkdə yaradıcılıq işlərində mühüm rol oynayacağını vurğulayaraq rəssama təşəkkür edib.