27 aprel 2024-cü il tarixdə Tovuz rayon Heydər Əliyev Mərkəzində Mir Cəlal Paşayevin 116 illik yubileyinə həsr olunmuş tədbir keçirilib.

 

Tovuz rayonu üzrə mədəniyyət müəssisələrinin birgə təşkilatçılığı ilə keçirilən tədbirdə çıxış edənlər bildirdilər ki, Mir Cəlal Paşayev ömrünü nadir istedadı və insanlığı ilə bəşəriyyətə, Azərbaycan milli mədəniyyətinə, ədəbiyyatına, xalqına xidmətə həsr edib. Onun çoxşaxəli, zəngin bədii yaradıcılığı milli nəsrimizin ən parlaq nümunələrindəndir. Onun pedaqoji fəaliyyətinin xüsusiyyətləri Azərbaycan maarifçiliyinin, pedaqoji fikir tarixinin ən dəyərli, qiymətli tarixi faktlarındandır. O, özünün elmi məktəbini yaratmış nadir alimlərimizdən, ədəbiyyatşünaslarımızdandır. 

Mir Cəlal Paşayevin zəngin irsi bu gün alimlərimiz tərəfindən müstəqillik dövrünün çağırışları əsasında yenidən tədqiqatlara cəlb olunur, əsərləri yenidən çap edilir və onun işıqlı xatirəsi gələcək nəsillərə çatdırılır deyə çıxışçılar söylədilər.

Daha sonra Mir Cəlal Paşayevin haqqında hazırlanmış olan filmə baxıldi.