26 aprel 2024- ci il tarixində Qazax Tarix Diyarşünaslıq Muzeyində 28 aprel akademik Zərifə Əliyevanın doğum günü ilə əlaqədar “Gözlərə nur bəxş edən qadın” mövzusunda dəyirmi masa keçirilib.

Tədbir Ulu Öndər Heydər Əliyevin, akademik Zərifə Əliyevanın və Şəhidlərin əziz xatirəsinin bir dəqiqəlik sükutla yad edilməsi ilə başlanıb.Sonra muzeyin direktoru Gülnaz Alişanova tədbiri açaraq qeyd edib ki,Zərifə xanım Əliyevanın xarakterindəki prinsipiallıq,həmçinin insanlara qarşı böyük sevgi hissi bəsləməsi onun peşə seçimində özünü göstərmişdir.O,görmə orqanının peşə patalogiyasını dərindən tədqiq edərək bu sahənın ilk tədqiqatçısı olub.Həkim kimi peşə fəaliyyətində,alim kimi elmi axtarışlarında böyük uğurlar qazanan Zərifə xanım ailəsinə,uşaqlarına,ömür-gün yoldaşına da bütün varlığı ilə bağlı idi.Dünya şöhrətli alim Zərifə Əliyeva bir ailənın xanımı deyildi.O,Azərbaycan xalqının Ümummilli lideri Heydər Əliyevin həyat yoldaşı,Müzəffər Ali Baş Komandanımız İlham Əliyevın anası olmuşdur.Azərbaycan qadınlarına xas olan ləyaqətli,şərəfli bir ömür yaşamış görkəmli oftalmoloq-alim Zərifə Əliyevanın nurlu xatirəsi xalqımız tərəfindən hörmətlə anılır.