6 aprel 2024-cü ildə Qazax rayon M.P.Vaqif və M.V.Vidadinin Xatirə Muzeyində 6 aprel 1717 ildə anadan olmuş dahi şair Molla Pənah Vaqifin anadan olmasının 307-ci illiyi münasibətilə tədbir keçirilib. Tədbirdə M.P.Vaqif və M.V.Vidadinin nəsil davamçıları, şair Bilal Qoca, Tamella Poladlı, Gülsənəm Cəlilli, Tarix Diyarşünaslıq Muzeyinin direktoru Gülnaz Alışanova, Dövlət Rəsm Qalareyasının direktoru Münəvvər Xəlilova, 1 saylı musiqi məktəbinin şagirdləri Turan Məmmədov, Yusif Salmanov və digər mədəniyyət işçiləri iştirak ediblər.

Tədbiri Muzeyin bələdçisi Şamama Qocayeva açaraq, çıxış üçün sözü ilk öncə Muzeyin direktoru Məhruzə Hüseynovaya verib. Muzeyin direktoru tədbir iştirakçılarını salamlayıb və əvvəl M.P.Vaqifin "Bənövşə" şeirini söyləyib və sonra şair haqqında ətraflı danışıb. Sonra şairin nəsil davamçıları olan Vidadi Müftüzadə, Ziyadə Vidadiyeva və digərləri ulu babaları haqqında öz fikirlərini bildirmişlər. 

Sonra Muzeyin əməkdaşları Arzu Həsənova, Esmira Qəribova və şairlər şairin şeirlərindən söyləyiblər.

Tədbir aşıqların ifasıyla davam etdirilib.