15 aprel 2024-cü il tarixdə Ağstafa rayonunda “Yaşıl dünya naminə həmrəylik ili” çərçivəsində Yeni Azərbaycan Partiyası Ağstafa rayon təşkilatının təşəbbüsü və Qazax - Tovuz Regional Mədəniyyət İdarəsinin təşkilatçılığı ilə ağacəkmə aksiyası təşkil olunub.

Aksiya çərçivəsində əməkdaşlar tərəfindən müxtəlif növ ağaclar əkilib. Eyni zamanda, ağacların əkildiyi ərazilərdə təmizlik işləri aparılıb, ağaclara aqrotexniki qulluq göstərilib.

Aksiyanın keçirilməsində məqsəd “Yaşıl dünya naminə həmrəylik ili” çərçivəsində ekoloji vəziyyətin sağlamlaşdırılması, cəmiyyətdə ekoloji mədəniyyət və təbiətə qayğını təbliğ etmək ənənələrini davam etdirmək, ətraf mühitin qorunmasına töhfə verməkdən ibarətdir.