Şəmkir rayon Mərkəzləşdirilmiş Kitabxana Sisteminin 1,2, 3, 4 saylı şəhər kitabxana filialları 9 May Faşizm Üzərində Qələbə Günü münasibətilə 1941-1945 müharibəsi zamanı həlak olanların xatirəsinə ucaldılan abidə kompleksin önündə 08.05.2024-cü il tarixdə “ Heç kim unudulmur,heç kim yaddan çıxmır” başlığı altında tədbir təşkil edib. Əvvəlcə 1941-1945 müharibəsi zamanı həlak olanların xatirəsi bir dəqiqəlik sükutla yad edilib və abidə kompleksin önünə gül dəstələri düzülüb.Sonra 1 saylı şəhər kitabxana filialının müdiri Röyalə Bağırova çıxış edərək bildirib ki, bu qələbə heç də asan başa gəlməyib. Yüzlərlə, minlərlə həmvətənlərimiz bu qələbə naminə canlarından keçiblər. Onlar doğma Azərbaycanın hüdudlarından çox-çox uzaqlarda mərdliklə, hünərlə vuruşaraq və həm də doğma Azərbaycan torpağını qoruyublar.Məktəblilər qələbəni əks etdirən ədəbi-bədii kompozisiya ilə çıxış ediblər.