Gədəbəy rayon Mədəniyyət Mərkəzinin Tədbirlər Planına uyğun olaraq 17 may 2024-cü il  tarixində Birinci Qarabağ müharibəsinin Şəhidi Qayıbov Rizvan Nüsrət oğlunun Şəhadətə ucalmasının 30 illiyi ilə bağlı Anım tədbiri keçirildi. Tədbirdə Şəhidin ailə üzvləri ,Gədəbəy MM-in, MKS-nin əməkdaşları və N.Gəncəvi adına Kiçik Qaramurad kənd tam orta məktəbin müəllim və şagird kollektivi və kənd sakinləri iştirak etdilər.Tədbir ilk öncə Şəhidlər Xiyabanında Şəhidin məzarının ziyarət edilməsi ilə başladı.Şəhidin məzarı üstə tər gül dəstələri qoyuldu, ruhuna dualar oxundu. Sonra tədbir Şəhidin təhsil aldığı məktəbdə davam etdirildi. Şəhidin oxuduğu sinif otağına Qayıbov Rizvan Nüsrət oğlunun adı verildi. Tədbirdə vətən uğrunda canlarından keçmiş Şəhidlərin əziz xatirəsi bir dəqiqəlik sükutla yad edildi. Tədbir Kiçik Qaramurad kənd Folklor evinin dərnək üzvlərinin və məktəb şagirdlərinin ifasında vətənpərvərlik ruhunda şeirlərinin səsləndirilməsi ilə yekunlandı. ALLAH BÜTÜN ŞƏHİDLƏRƏ RƏHMƏT ELƏSİN!