Mayın 27- də Qazax- Tovuz Regional Mədəniyyət İdarəsi Tovuz rayon Qovlar şəhər Uşaq Musiqi Məktəbində 28 May Müstəqillik Gününə həsr olunmuş " Azərbaycan xalqının sevincli günü" adlı tədbir keçirilib. İlk öncə çıxış edən məktəbin direktoru Vəfa Kərimova çıxış edərək bildirib ki, 1918- ci il mayın 28- də müsəlman Şərqində ilk dünyəvi demokratik dövlət olan Azərbaycan xalq Cümhuriyyətinin yaranmasından 106 il ötür. Müstəqillik Günü artıq 4 ildir ki, Azərbaycanda işğaldan azad olunan Qarabağ torpağında da qeyd olunur. Müstəqil Azərbaycan Cümhuriyyəti qısa ömründə böyük nailiyyətlər və qalibiyyətlər əldə etdi: dünyada ilk dəfə qadınlara seçmə- seçilmə haqqı verdi, qadın - kişi bərabərliyini təmin etdi, milli ordusunu qurdu, Azərbaycanın ərazi bütövlüyünü qəbul etdirdi, iqtisadi islahatlar həyata keçirdi və s.
Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti Türk və İslam dünyasında ilk parlamentli respublika və ilk demokratik, hüquqi və dünyəvi dövlət nümunəsi idi.