27 may 2024 –cü il tarixdə Qazax rayon MKS-nin E Hüseynov adına Mərkəzi kitabxanası oxu zalında Müstəqillik Gününə həsr olunmuş “Cümhuriyyətdən başlanmış müstəqillik ” adlı ədəbi kompozisiya keçirib, sərgi nümayiş etdirib. Tədbirdə BDU- nun Qazax filialının bir qrup tələbəsi, məktəbllilər və kitabxana əməkdaşları iştirak edib. Öncə Azərbaycan Respublikasının Dövlət  Himni səsləndirilib. Ümummilli lider Heydər Əliyevin və vətən torpaqlarının azadlığı və suverenliyi uğrunda canlarını qurban verən Şəhidlərin ruhu bir dəqiqəlik sükutla yad edilib. Xidmət şöbəsinin müdiri Azərbaycan Xalq Cümhuriyyətinin yaranma tarixi haqqında ətraflı məlumatında  Azərbaycan dövlətçilik tarixində əlamətdar yer tutan, tariximizin şərəfli səhifəsi olan müsəlman şərqində ilk parlamentli  Respublikasının cəmi 23 aylıq fəaliyəti dövründə xalqımızın milli şüurunu bərpa etdiyini, ana dilini dövlət dili elan etdiyini, milli atributlarını, milli ordusunu,  hərtərəfli dövlətçilik qanunlarını yaratdığını bildirib, qüdrətli şəxsiyət, ümummilli lider Heydər Əliyevin: “Azərbaycanın dövlət müstəqilliyi bizim tarixi nailiyyətimizdir ” qiymətli fikirlərini tədbir iştirakçılarının nəzərinə çatdırıb.
Tədbirdə  tələbə  və məktəblilərin ifasında müstəqilliyə, Ulu Öndərə, Vətənə həsr olunmuş şeirlər, qiymətli fikirlər söylənilib, uşaq musiqi məktəbinin şagirdlərinin ifasında sazda şən musiqi nömrələri səsləndirilib.