Qazaxda Uşaqların Beynəlxalq Müdafiəsi günü münasibəti ilə tədbir keçirildi.
01 iyun 2024-cü il tarixdə Qazax rayon Mədəniyyət Mərkəzində Mədəniyyət müəssisələrinin birgə təşkilatçılığı ilə Uşaqların Beynəlxalq Müdafiəsi gününə həsr edilmiş "Xoşbəxt olsun uşaqlar" adlı tədbir təşkil edilib. 
Tədbirdə Qazax rayon İcra Hakimiyyəti aparatının məsul işçiləri, rayon ictimaiyyəti, mədəniyyət müəssisələrinin əməkdaşları, Şəhid ailələri, övladları və dünyanın bəzəyi olan uşaqlar iştirak ediblər. Tədbirin aparıcısı bu gün münasibəti ilə uşaqları təbrik edib, onlara aydın səma, parlaq günəş,  bol- bol sevinc və daim ata- ana qayğısı ilə əhatə olunmağı, sevgu ilə böyüməyi arzulayıb. 
Sonra Mədəniyyət Mərkəzinin "Buta" rəqs qrupunun, Qazax şəhər 1 və 2 nömrəli Uşaq Musiqi məktəblərinin şagirdlərinin, " By Hoca" qrupunun ifasında bir- birindən şən və gözəl musiqilər ifa olunub. Şən Klounun isə səhnəyə gəlişi tədbirə xüsusi bir rəng qatıb, uşaqların böyük sevincinə səbəb olub.