04 iyun 2024-cü il tarixdə Gədəbəy rayon Tarix Diyarşünaslıq Muzeyində "Zəfər Tarixi" dərsi keçirildi. Gədəbəy rayon İlham Əliyev adına 1 saylı tam orta məktəbin müəllimi və VI sinif şagirdləri iştirak etdilər. Muzeyin baş fond mühafizi  Aygün Əliyeva müharibə zamanı baş verən hadisələrin, əsgərlərimizin "Dəmir Yumruq" altında birləşərək, qarlı yorğana bürünən  əsgərlərin, qazilərin dağlarda üzləşdiyi çətinliklərdən danışdı. 
Tədbirin təşkil edilməsində məqsəd ərazilərimizin 44 günlük müharibə zamanı erməni işğalından azad edilməsi ilə əlaqədar Prezidentimiz, Cənab Ali Baş Komandan İlham Əliyev cənablarının yeritdiyi  mühüm siyasəti, gördüyü məqsədyönlü işlərin şagirdlər tərəfindən mənimsənilməsi üçün görülən işlər barədə məlumat vermək idi. Şagirdlərin vətənpərvər ruhda böyüyərək yaşadıqları torpağın, Azərbaycan xalqının əsrlər boyu nələrə məruz qaldığını heç vaxt unutmamaq üçün belə görüşlərin mütəmadi olaraq təşkili nəzərdə tutulub.