Qazaxda 15 İyun - Milli Qurtuluş Gününə həsr olunmuş tədbir keçirilib.

Qazax rayon Mədəniyyət Mərkəzində mədəniyyət müəssisələrinin birgə iştirakı və təşkilatçılığı ilə "Qurtuluşun mübarək, Azərbaycanım" adlı konsert proqramı təşkil edilib.

Tədbirə gələn qonaqlar və iştirakçılar Qazax rayon Mərkəzi Kitabxananın təşkil etdiyi kitab sərgisinə və Qazax Dövlət Rəsm Qalereyasının dərnək üzvlərinin əl işlərindən ibarət rəsm sərgisinə tamaşa ediblər.

Tədbirdə xalqımızın xilaskarı Ulu Öndərin təkrar hakimiyyətə gəlməsindən, Azərbaycanın keçdiyi inkişaf yolundan, Zəfər tariximizdən bəhs edilib.

Qazax şəhər 1 və 2 nömrəli Uşaq Musiqi Məktəblərinin, Ağstafa şəhər Uşaq Musiqi Məktəbinin müəllim və şagirdlərinin ifasındakı musiqi nömrələri, Mədəniyyət Mərkəzinin "Buta" rəqs qrupunun təqdimatında rəqs kompozisiyası, şairlərin səsləndirdiyi şeirlər tamaşaçılar tərəfindən rəğbətlə qarşılanıb.