Qazax rayon  MİHİ-nin dəstəyi ilə Qazax rayon Mərkəzləşdirilmiş Kitabxana Sistemi və Mədəniyyət Mərkəzi müqəddəs Qurban Bayramı münasibəti ilə Şəhid ailələrini ziyarət edib. 
Azərbaycan torpaqlarının azadlığı uğrunda müqəddəs şəhidlik məqamına yüksələn cəsur, mərd qəhrəmanlardan olan Qazax rayon Canalı kənd sakinləriƏliyev İlkin Bəxtiyar oğlunun və Nəsibov Aqşin  Vasif oğlunun ailələrinə baş çəkilib, qəbri ziyarət olunub.
Azərbaycan Silahlı Qüvvələrinin əsgəri, Vətən müharibəsi şəhidi 2001-ci il təvvəllüdlü İlkin Əliyev Azərbaycan Silahlı Qüvvələrinin “N” saylı hərbi hissəsində xidmət zamanı  Vətən müharibəsi dövründə  Füzuli, Xocavənd, Cəbrayıl və Şuşa rayonunun azadlığı uğrunda gedən döyüşlərdə iştirak edib. İlkin Əliyev Şuşa döyüşləri zamanı qəhrəmancasına şəhid olub. 
Azərbaycan Prezidenti İlham Əliyevin Sərəncamlarına əsasən "Vətən uğrunda"  "Xocavəndin azad olunmasına görə" medalları ilə təltif edilib. Azərbaycan Respublikasının Silahlı Qüvvələri tərəfindən Azərbaycanın Qarabağ bölgəsində 19 sentyabr 2023-cü ildə başladığı lokal xarakterli antiterror tədbirlərində döyüş tapşırığını  şərəflə yerinə yetirən zaman 2001-ci il təvvəllüdlü əsgər Nəsibov Aqşin  Vasif oğlu qəhrəmancasına şəhid olub.
Qazax Dövlət Sosial-İqtisadi Kollecinin mühasibat uçotu fakültəsinin məzunu Nəsibov Aqşin  Vasif oğlunun və Əliyev İlkin Bəxtiyar oğlunun ailələrinindərdinə şərik olunub, dərin huzunla başsalığı verilib, bayram sovqatı təqdim olunub.