Şəmkir rayon Mərkəzi Kitabxananın Oxuculara xidmət şöbəsi Azərbaycanın Milli Qəhrəmanı, Mart hadisələri zamanı dövlətçiliyimiz, suverenliyimiz  uğrunda ömrünü qurban verərək şəhidlik zirvəsini fəth etmiş Sarıyev Zaur Rəşid oğlunun anadan  olmasının 50 illiyi ilə əlaqədar  torpaqlarımızın azadlığı uğrunda canından keçmiş şəhidlərin əziz xatirəsinə salınmış şəhidlər xiyabanında  28.06.2024 - cü il tarixdə   “Milli qəhrəmanlarımızı xatırlayaq və tanıdaq ” adlı anım mərasimi təşkil edib. Əvvəlcə Azərbaycanın  suverenliyi, ərazi bütövlüyü və torpaqlarımızın azadlığı uğrunda canından keçən Vətən övladlarının xatirəsi bir dəqiqəlik sükutla yad edilib. Daha sonra şəhidin məzarı ziyarət olunub, məzarı üstünə tər güllər düzülüb. Azərbaycan Respublikasının Dövlət Himni səsləndirilib. Qəhrəmanımızın şərəflli həyat yolu haqqında  ailə üzvləri adından həmkarımız və şəhidimizin bacısı Kəmalə xanım danışaraq bildirib ki, Zaur Rəşid oğlu Sarıyev 1974-cü il iyun ayının 28-də Şəmkir rayonunun Qaralar kəndində anadan olmuşdur.1981-1989-cu illərdə Qaralar kənd orta məktəbdə təhsil almış, 1989-cu ildə 15 saylı Gəncə şəhər texniki peşə məktəbində elektrik-qaynaqçı peşəsinə yiyələnmişdir.1993-cü ildə Milli Ordu sıralarına çağrılmış, Qusar rayonunda hərbi təlim keçərək, döyüş bölgəsinə yola düşmüşdür.Tərtər, Füzuli, Ağdam, Kəlbəcər, Murovdağda döyüşmüşdür.1995-ci il mart ayının 17-də dövlət çevrilişinə cəhdin qarşısının alınması zamanı qəhrəmancasına həlak olmuşdur.Məktəblilər şəhidlərə həsr edilmiş ədəbi-bədii kompozisiya ilə çıxış ediblər.Şəmkir rayonunun Ağlavaşlı kəndində şəhid Sarıyev Zaur Rəşid oğlunun adına küçə verilib. Milli Qəhrəmanın ailə üzvləri və yaxınları göstərilən diqqət və qayğıya görə Azərbaycan Respublikasının Prezidentinə və Müdafiə Nazirliyinin rəhbərliyinə dərin minnətdarlığını bildiriblər.