17 sentyabr 2024-cü il tarixdə Ağstafa rayon Tarix Diyarşünaslıq Muzyinin, Ağstafa şəhər 1 və 2 saylı folklor klublarının əməkdaşları 2-ci Qarabağ Müharibəsi şəhidi Nihad Adil oğlu Abdullayevin ailəsini ziyarət etdilər. Abdullayev Nihad 2002-ci il aprelin 13-də Ağstafa rayonunda anadan olub. 2008-2019-cu illərdə Ə. Hüseynov adına 1 saylı Ağstafa rayon tam orta məktəbində təhsil alıb. Nihad Abdullayev 2020-ci il sentyabrın 27- də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzuli və Xocavəndin azadlığı uğrunda gedən döyüşlərdə iştirak edib, noyabrın 9-da Xocavənd rayonu ərazisində gedən döyüşlər zamanı şəhid olub, Ağstafa Şəhidlər Xiyabanında dəfn edilib.