18.09.2024-cü il  tarixində Ağstafa rayon Mərkəzi Kitabxananın  Oxuculara Xidmət şöbəsi Milli Musiqi günü münasibəti ilə “Üzeyir Hacıbəyli-milli mədəniyyət mücahidi” başlıqlı dəyirmi masa təşkil etdi. Tədbiri  giriş sözü ilə açan kitabxananın əməkdaşı Qönçə Hüseynova bildirdi ki, musiqişünaslıq elmi, musiqi nəzəriyyəsi, bəstəkarlıq məktəbimizin hər biri Üzeyir bəyin adı ilə bağlıdır. Zəngin mədəniyyətimizin dərin köklərinin təməlində dahi bəstəkarın imzası var. Üzeyir Hacıbəyli təkcə musiqi bəstələmirdi, həm də xalq musiqisinin nəzəri əsaslarını gələcək nəslə çatdırmaq üçün müxtəlif vəsaitlər hazırlayırdı. Tədbirdə şəhər 1 saylı orta məktəbin şagirdləri şeir söylədilər və sonda mövzuya uyğun kitab sərgisinə baxış keçirildi.