26 sentyabr 2024-cü il tarixində Qazax rayon M.P.Vaqif və M.V.Vidadinin Xatirə Muzeyinin əməkdaşları 27 sentyabr Anım Günü ilə əlaqədar olaraq 44 günlük Vətən müharibəsində misilsiz igidlik nümunələri göstərən qəhrəmanımız Xüsusi Təyinatlı qüvvələrin kiçik giziri Röyal Şahin oğlu Mədətovun ailəsini ziyarət ediblər.
Azərbaycan Ordusunun kiçik giziri olan Röyal Mədətov 14 may 1992-ci il tarixində Qazax rayonunda dünyaya göz açıb. 
2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın, Hadrut qəsəbəsinin, Füzulinin və Qubadlının azadlığı uğrunda gedən döyüşlərdə savaşıb və 22 oktyabr 2020-ci ildə şəhidlik zirvəsinə ucalıb.
Muzey əməkdaşları şəhid Röyal Mədətovla yanaşı Əliyev İlkin Bəxtiyar oğlunun,  Veyisli Xaliddin Zərgər oğlunun, Hüseynov İlqar Yaşar oğlunun və Elvin Rövşən oğlu Orucovun məzarlarına da baş çəkiblər.