25.09.2024-cü il  tarixində Ağstafa rayon Mərkəzi Kitabxananın  Oxuculara Xidmət şöbəsi və şəhər 1 saylı kitabxana filialı II Qarabağ müharibəsi şəhidlərinin “27 Sentyabr – Anım Günü”  ilə əlaqədar olaraq “Ölümdən qorxmayan oğullar!” başlıqlı açıq havada kitab sərgisi təşkil etdi. Sərgidə iştirak edən 1 saylı orta məktəbin şagirdləri və şəhər əhalisi ilk öncə Azərbaycan torpaqlarının azad edilməsi uğrunda canından keçən şəhidlərimizin xatirəsi  bir dəqiqəlik sükutla yad edilib. Sərgi haqqında kitabxananın əməkdaşı Laçın Məhərrəmova qeyd etdi ki, Azərbaycan əsgəri müharibə günlərində əsl qəhrəmanlıq, mərdlik, şücaət, rəşadət nümunəsinə çevrildi. Yüz illər keçsə də, Azərbaycan xalqı heç vaxt öz şəhidlərini unutmayacaq. Azərbaycan Ordusunun sentyabrın 27-də işğalçı Ermənistan silahlı qüvvələrinə qarşı başladığı əks-hücum əməliyyatında əldə etdiyi möhtəşəm qələbələr haqqında bundan sonra kitablar yazılacaq. Müzəffər Ali Baş Komandanımızın rəhbərliyi ilə Azərbaycan bütün dünyada qalib dövlət, xalqımız isə məğrur xalq kimi tanınır və sonda məktəblilər şəhidlər haqqında şeir söylədilər.