26 sentyabr 2024 cü il tarixdə Ağstafa rayon Tarix Diyarşünaslıq Muzeyi, H.Arif Ev Muzeyi və 1 saylı Ağstafa şəhər Folklor klubunun əməkdaşları birlikdə Vətən Müharibəsi şəhidi Elçin Rövşən oğlu İbrahimovun ailəsini ziyarət etdilər. Elçin İbrahimov 1995-ci il sentyabrın 23-də Ağstafa rayonunda anadan olub. 2013-2015-ci illərda Azərbaycan Silahlı Qüvvələrinin sıralarında müddətli həqiqi hərbi xidmətdə olub. Elçin İbrahimov 2020-ci il sentyabrın 27-də işğal altında olan ərazilərin azad edilmısi üçün başladılan Vətən Müharibəsi zamanı Şuşanın azadlığı uğrunda gedən döyüşlərdə könüllü olaraq savaşıb, noyabrın 14-ü Şuşada şəhidlik zirvəsinə ucalmışdır. Ağstafa rayon Şəhidlər Xiyabanında dəfn edilib. Ölümündən sonra Respublika Prezidenti İlham Əliyev tərəfindən "Vətən uğrunda" medalı, "Cəsur döyüşçü" medalı, "Şuşanın azad olunmasına görə" medalı ilə təltif edilib.