11 oktyabr 2024-cü il tarixdə Ağstafa rayon Tarix Diyarşünaslıq Muzeyinin, H. Arif Ev Muzeyinin, Ağstafa şəhər 1,2,3 saylı folklor klublarının əməkdaşları birlikdə "Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019 - 2024-cü illər üçün Dövlət Proqramına uyğun olaraq "Narkomaniyaya yox deyək" mövzusunda tədbir keçiriblər. Tədbir Ağstafa rayon tam orta məktəb şagirdlərinin iştirakı ilə təşkil edilib. Narkomaniya ilə mübarizə sağlam cəmiyyətin formalaşması baxımından əsas məqsəd və vəzifələrdəndir. Azərbaycan dövlət siyasətində də başlıca vəzifələrdən biri sağlam nəslin formalaşması istiqamətində həyata keçirilən tədbirlər sırasında mühüm istiqamət kimi diqqət yetirilən narkomaniya ilə mübarizə davamlı siyasətdir. Məktəblilərə cəmiyyətdə "ağ ölüm" kimi tanınan narkomaniyanın insan həyatındakı sağalmaz fəsadları haqqında ətraflı məlumat verilib.