16 oktyabr 2024-cü il tarixində Tovuz rayon MKS-nin Mərkəzi kitabxanasının təşkiatçılığı  ilə Tovuz şəhər A. Qasımov adına tam orta məktəbdə "Uşaqlara dair Strategiyanın həyata keçirilməsi üzrə 2020- 2025-ci illər Fəaliyyət Planı " ilə əlaqədar olaraq "Uşaqlara qayğı, gələcəyə qayğıdır" mövzusunda maarifləndirici tədbir təşkil edilib.
Tədbirdə kitabxana əməkdaşları uşaqlarda təhlükəsiz həyat fəaliyyəti, xüsusilə internet təhlükəsizliyi mədəniyyətinin formalaşdırılması barədə məlumat veriblər. Belə ki, uşaqlar arasında dövriyyəsi qadağan edilən informasiyaya zorakılığı və qəddarlığı təbliğ edən, cəmiyyət əleyhinə və hüquqazidd hərəkətləri, o cümlədən cinayətləri təbliğ edən, uşaqların həyat və təhlükəsizliyinə potensial təhlükə yaradan əməlləri təbliğ edən, əxlaqdan kənar leksik məzmunlu,  qorxu məzmunlu informasiyaların yayılmasının yolverilməz hal olduğu diqqətə çatdırılıb və bu kimi halların qarşısının alınması istiqamətində görülən tədbirlərin vacibliyi  vurğulanıb.