Noyabrın 7- də Tovuz rayon Aşıq Ə.Cəfərov adına Mədəniyyət Mərkəzinin, Tovuz şəhər Aşıq Əsəd Rzayev adına Uşaq Musiqi Məktəbinin, H.Bozalqanlı adına Azərbaycan Aşıq Sənəti Dövlət Muzeyinin və Tovuz Dövlət Rəsm Qalereyasının birgə təşkilatçılığı ilə 8 Noyabr Zəfər günü və 9 noyabr Azərbaycan Respublikasında Dövlət Bayrağı günü münasibəti ilə "Şücaətinə vurğunam Ana Yurdum" adlı tədbir Abulbəyli kənd folklor evində keçirilib. İlk öncə vətənin müdafiəsi uğrunda şəhid olanların xatirəsi bir dəqiqəlik sükutla yad edilib. Tədbirin bədii hissəsində  əsasən M.Mərkəzində fəaliyyət göstərən ümumi  dərnəklərin çıxışına  geniş yer verilib. Yüksək əhval- ruhiyyə  ilə keçən konsert proqramı tamaşaçılar tərəfindən xüsusi maraqla qarşılanıb. Sonda keçirilən tədbirlərdə mütəmadi fəallıqlarına görə dərnəklər MİHİ- nin Tovuz rayon Komitəsinin sədri tərəfindən  fəxri fərmanlarla təltif olunublar.