Qazax rayon Mədəniyyət Mərkəzinin əməkdaşı təqaüdə yola salındı.

07 dekabr 2024-cü il tarixdə Qazax rayon Mədəniyyət Mərkəzinin təşkilatçılığı və Mədəniyyət İşçiləri Həmkarlar İttifaqı  Qazax rayon komitəsinin dəstəyi ilə Mədəniyyət Mərkəzinin metodisti Mehdiyeva Məfrubə Müseyib qızının 65 yaşı tamam olması və təqaüdə yola salınması münasibəti ilə tədbir təşkil edilib. 
Tədbiri giriş sözü ilə MİHİ Qazax rayon Komitəsinin sədri İsgəndər Qurbanov açaraq bu münasibət ilə Məfrubə  xanımı təbrik edib, ona uzun ömür, can sağlığı, bundan sonrakı həyatında da uğurlar arzulayıb. 
Digər çıxış edənlərdən Qazax Mədəniyyət Mərkəzinin direktoru Z.Həsənova, Qazax şəhər 2 nömrəli Uşaq Musiqi məktəbinin direktoru R.Qurbanov, Qazax Dövlət Dram Teatrının baş rejissoru M.Eyyubov, Tarix Diyarşünaslıq Muzeyinin direktoru G.Alişanova, Fond mühafizi  X.Mustafayeva,  Mədəniyyət Mərkəzinin metodisti Z.Mürsəlova, Qazax şəhər 2 nömrəli Uşaq Musiqi Məktəbinin müəllimi G.Əkbərli Məfrubə xanımın işlədiyi uzun illər ərzindəki qüsursuz fəaliyyətindən, kollektivdə olan hörmətindən, layiqli, bacarıqlı, eyni zamanda öz işinin öhdəsindən məsuliyyətlə gələn bir işçi olmasından danışıblar. 
Daha sonra Məfrubə Mehdiyevanın  mədəniyyət  sahəsində uzun illər səmərəli fəaliyyətinə görə və 65 illik yubileyi münasibəti ilə MİHİ Qazax rayon Komitəsinin Fəxri Fərmanı, qiymətli hədiyyəsi verilib.
Sonda tədbir iştirakçıları ilə xatirə şəkili çəkdirilib.