11 dekabr 2024 -cü il tarixində Qazax - Tovuz Regional Mədəniyyət İdarəsinin təşkilatçılığı ilə Ağstafa rayon mədəniyyət műəssisələri Xalq şairi, nasir, dramaturq Nəbi Xəzrinin anadan olmasının 100 illik yubileyi ilə əlaqədar "Nəbi Xəzri -100" adlı tədbir keçirdi. Tədbirdə  Ağstafa yazarları, şairlər  iştirak ediblər.
Tədbirin əvvəlində Nəbi Xəzrinin kitab sərgisinə baxış keçirildi. Tədbirdə çıxış edənlər Nəbi Xəzrinin həyat yolu, fəaliyyəti və yaradıcılığından söhbət açdı. Çıxışlarda o cümlədən Nəbi Xəzrinin Azərbaycan ədəbiyyatını yeni poetik obrazlarla zənginləşdirərək onun inkişafında özünəməxsus rol oynamış görkəmli söz ustadlarından olduğu qeyd edildi. Bildirildi  ki, Nəbi Xəzri eyni zamanda ictimai xadim kimi səmərəli fəaliyyət göstərib, Azərbaycan mədəniyyəti və incəsənətinin xarici ölkələrdə təbliği istiqamətində təqdirəlayiq işlər görüb.