Şəmkir rayon Ə.Cavad adina  Mədəniyyət  Mərkəzi, Şəmkir rayon uşaq Musiqi Məktəbi və MKS-nin əməkdaşlarının birgə təşkilatçılıqları ilə 12 dekabr 2024 cü il tarixində Mədəniyyət Mərkəzində "Heydər Zirvəsi"adlı tədbir keçirilib. Əvvəlcə Mədəniyyət müəssisələrinin bütün işçiləri Ulu Öndərin abidəsinin önünə gələrək ziyarət edib və abidənin önünə gül dəstələri düzüblər. Tədbir Mədəniyyət Mərkəzində davam etdirilib. "Heydər Zirvəsi" adlı tədbirdə əvvəlcə Azərbaycan Respublikasının Dövlət himni səsləndirilib. Sonra Ulu Öndər Heydər Əliyevin və vətənimizin ərazi bütövlüyü ugrunda canlarından keçən Şəhidlərimizin əziz xatirəsi bir  dəqiqəlik  sükutla  yad edilib. Tədbirdə Ümummilli lider Heydər Əliyevin keçdiyi şərəfli həyat yolundan bəhs edən video-çarx nümayiş etdirilib. Sonra çıxış üçün söz Şəmkir rayon YAP-nın sədri F. Vəliyevə verilib. F. Vəliyev Ulu Öndərlə şəxsən görüşdüyü barədə xatirələrindən bəhs edib. O qeyd edib ki, müasir dünya tarixinə  parlaq və silinməz iz qoymuş böyük şəxsiyyət, müdrik dövlət xadimi, əvəzedilməz dahi insan olan Heydər Əliyevin həyat yolu Azərbaycan xalqı üçün  nümunəvi məktəbdir. Sonda Şəmkir şəhər Uşaq Musiqi Məktəbinin müəllim və şagirdlərinin ifasında Ulu Öndərin sevdiyi  nəğmələr səsləndirilib.