13.12.2024-cü il tarixində Azərbaycan Memarlıq və İnşaat Universitetində Modern Trinity rəssamlar qurupunun üzvü, gənc rəssam-Sənətşünas, Vasif İbrahimli tərəfindən seminar keçilib. Tədbirdə universitetin TGT idarə heyəti , Gənc Rəssamlar Klubunun sədr və müavini eyni zamanda Tələbələr iştirak etmişdir. 

Bu seminar, tələbələrin yaradıcılıq potensialını inkişaf etdirmək, sənətə olan maraqlarını artırmaq və onlara peşəkar rəssamların təcrübəsindən bəhrələnmək üçün təşkil olunub. Vasif İbrahimli seminar çərçivəsində müasir incəsənət, rəssamlıq texnikaları, rənglərin uyğunluğu və sənətin cəmiyyətlə əlaqəsi mövzularında geniş məlumat verib. O, öz yaradıcılığı və sənət dünyasında qazandığı təcrübələr barədə də tələbələrə maraqlı nümunələr təqdim edib.  

Tədbir zamanı tələbələr müəllifin əsərlərini izləyib, rəssamın rəsm əsərlərini necə yaratdığı, ilham mənbələri və yaradıcılıq prosesinin detallarını öyrəniblər. Vasif İbrahimli həmçinin tələbələrin suallarını cavablandıraraq, onlara öz tövsiyələrini vermişdir.

Seminar iştirakçıları tədbirdən böyük təəssüratla ayrılıb və belə təşəbbüslərin tələbələrin inkişafı üçün nə qədər faydalı olduğunu vurğulayıblar. Tədbir, tələbələrin gələcəkdə də öz istedadlarını kəşf etmələri və sənətə daha yaxın olmaları üçün bir motivasiya mənbəyi olub.