24.10.2025
Gədəbəydə Nəbi Xəzrinin 101 illik yubileyi qeyd olunub
Oktyabrın 24-də Aşıq Ələsgər adına Gədəbəy Aşıq Məktəbində Qazax-Tovuz Regional Mədəniyyət İdarəsinin tabeliyində fəaliyyət göstərən rayon mədəniyyət müəssisələrinin birgə təşkilatçılığı ilə Nəbi Xəzrinin 101 illik yubileyinə həsr olunmuş "Sözün Günəşi" adlı ədəbi-bədii musiqili kompozisiya təşkil edilib.
Tədbirin aparıcısı Xalq şairi Nəbi Xəzrinin həyat yolu, fəaliyyəti və yaradıcılığından bəhs edib. Bildirib ki, Nəbi Xəzri Azərbaycan ədəbiyyatını yeni poetik obrazlarla zənginləşdirərək onun inkişafında özünəməxsus rol oynamış görkəmli söz ustasıdır.
Bədii hissədə Azərbaycan ədəbiyyatının inkişafı naminə böyük xidmətlər göstərmiş şairin şeirlərindən parçalar səsləndirilib, daha sonra Xalq şairinin yaradıcılığına həsr olunmuş video-çarx nümayiş olunub.
Məktəbin müəllim və şagird kollektivinin ifasında səsləndirilən Nəbi Xəzrinin sözlərinə bəstələnmiş musiqilər tamaşaçılar tərəfindən alqışlarla qarşılanıb.
#QazaxTovuzRMI #NəbiXəzri #Ədəbiyyat #Musiqi #Gədəbəy